鴻星 x TK Chan推聚寶禮盒 辦年貨兼助基層家庭

原文日期： 2020年01月13日

好多朋友同黛安講，近年置辦年貨，多咗留意環保之外，更希望可以幫人。聽公關姊妹講，鴻星食品今年推出的賀歲禮盒，就滿足到呢兩大願望喇。

今次鴻星聯乘本港水墨藝術家陳紫君（TK Chan）推出《慈善金鼠賀歲聚寶禮盒》，由TK繪畫得意嘅老鼠仔一家賀年嘅喜悅與親情，整個禮盒特別之處在於包裝紙可以變做兩張環保揮春，禮盒的設計構思亦以傳統「全盒」為靈感，放滿唔同嘅賀年小食及年糕，寓意將好運聚埋一齊，寄望鼠年順風順水；而喺今個月24號之前仲可以用指定信用卡以優惠價288元購買1盒。

黛安知道，所有禮盒嘅收益扣除成本後將全數撥捐「聖公會聖基道兒童院」的「愛心小天使計劃」，以扶助來自破碎家庭或低收入家庭小朋友，記得支持呀！

原文連結：https://skypost.hk/column/article/2539629/鴻星%20x%20TK%20Chan推聚寶禮盒%20辦年貨兼助基層家庭