【Emily】貓迷博覽開鑼 使錢討好「主子」落雨阻不了
Jul 31
1 min read
文章日期： 2026年8月1日星期六
圖2之2 - 齊亮畫廊設多個展位，當代水墨藝術家陳紫君負責的展位有售三色貓 . . . . . . （徐君浩攝）
【明報專訊】「香港貓迷博覽會2026」噚日起一連3日喺灣仔會展舉行，雖然落大雨，但現場人頭湧湧，大批「貓奴」帶埋「主子」採購貓糧、玩具等，氣氛熱鬧。有「貓奴」更花過千蚊買貓用品，亦有參展商話天雨或令入場人流減少，希望今明兩日銷情會有增長。
「貓奴」余先生第二年參加貓迷博覽，認為產品齊全，花咗千幾蚊為佢約一歲半嘅愛貓Odin添置用品，包括抱貓用腰櫈、貓砂及一件衫。另有一家人帶咗4隻貓入場，其中Tiffany帶3歲「果粒橙」。每年入場嘅Tiffany話，為果粒橙買咗健康產品同貓糧，預算花約1000元，又話噚日落雨，無諗到現場有唔少「貓奴」。
展商貓貓飯堂負責人Gabriel連續4年參展，佢話今年人流少過舊年，相信同天氣有關，而噚日下晝有熟客一次過花幾千蚊買貓糧。齊亮畫廊其中一個展位由當代水墨藝術家陳紫君負責，佢話有售三色貓「包包」水墨畫作及相關精品，亦設有結合AR技術嘅互動遊戲吸引人流，噚日下晝展位營業額約有3000幾蚊。
Comments